Club de Remo Muros
Club de Remo Muros | |
---|---|
Sorrera | 1984 |
Herria | ![]() |
Lehendakaria | ![]() |
Entrenatzailea | ![]() |
Patroia(k) | ![]() ![]() |
Kolorea(k) | urdina |
Trainerua | Muradana |
Palmaresa | 0 Kontxako Bandera 0 TKE Liga 0 Galiziako A Liga 0 Galiziako B Liga 0 Espainiako Txapelketa 0 Galiziako Txapelketa |
Webgunea | www.facebook.com |
Club de Remo URME | |
---|---|
Sorrera | 2023 |
Herria | ![]() |
Entrenatzailea | ![]() |
Patroia(k) | ![]() |
Kolorea(k) | zuria |
Trainerua | Esteirana |
Palmaresa | 0 Galiziako A Liga 0 Galiziako B Liga 0 Espainiako Txapelketa 0 Galiziako Txapelketa |
2024 | 9.a (Galiziako A Liga) |
Club de Remo Muros Galiziako Coruñako probintzian dagoen Muros herriko arraun taldea da.
Historia
[aldatu | aldatu iturburu kodea]1984an sortu zen taldea. Hasiera batean Cabo da Cruzi traineru bat erosi zioten eta bigarren eskuko ontzi honekin jokatu zituzten estropadak. 1986an jokatu zituen lehenengio estropadak eta 1988an Galizia iparraldeko txapelketan laugarrena izan zen. Mailarik onena 1990 hamarkadaren bukaeran lortu zuen, Galiziako txapelketan bosgarren 1998an eta laugarren 1999an. Urte honetan Kontxako Banderarako Sailkapen estropadan aritu zen 23 traineruen artean 19. postua eskuratuz. Txalupa txikietan ere emaitza onak izan zituen, denen artean aipagarriena Espainiako Batel Txapelketako brontzezko domina, 1998an lorturikoa.
2004an Galiziako Traineruen Ligaren sortzaileetako bat izan zen baina aurreneko bi denboraldietan aritu ondoren diru arazoek eragindako arraunlari gabeziak trainerua lehorrean uztera behartu zuten. Hamarkada bat lehorrean egon ondoren 2017 urterako trainerua berriz osatu eta 2019an Galizako A Ligan aritu zen. Jeistea tokatzen bazitzaion ere, Ares TKE Ligara sailkatu izanak A Ligan mantendu zuen 2020rako. Hurrengo urtean ere ozta-ozta mantendu zen, eta hori Ligako azkenengo estropadei uko egin behar izan ziela eskualdean gertaturiko COVID-19 agerraldia zela eta.
2023an Esteiranarekin batera osatu zuen trainerua[1] eta B Ligako txapelduna izan zen nagusitasun osoz. Lehenengo estropada ezik gainerako guztiak irabazi zituen. 2023ko denboraldia amaituta proiektua egonkortzeko urriaren 18an Club de Remo URME elkartea sortu zuten[2].
Palmaresa
[aldatu | aldatu iturburu kodea]- Galiziako Txapelketa (0): laugarrena 1999an.
- Galiziako Traineruen Liga:
- A Liga (0): zazpigarrena 2004an.4
- B Liga (1): 2023.
- Coruñako Diputazioaren Bandera (1): 2005.
Batelak
[aldatu | aldatu iturburu kodea]- Espainiako Batel Txapelketa:
- Gizonezko absolutuak (0): hirugarrena 1998an
- Gizonezko kadeteak (1): 2019
Azken denboraldiak
[aldatu | aldatu iturburu kodea]Urtea | Liga |
---|---|
2004 | Galiziako Liga, 7.a |
2005 | Galiziako Liga, 8.a |
2006- 2016 |
- |
2017 | Galiziako B maila, 3.a |
2018 | Galiziako B maila, 2.a |
2019 | Galiziako A Liga, 10.a |
2020 | Galiziako A maila, 9.a |
2021 | Galiziako A maila, 11.a |
2022 | Galiziako B maila, 7.a |
2023 | Galiziako B maila, 1.a (Esteiranarekin) |
2024 | Galiziako A maila, 9.a (URME) |
Erreferentziak
[aldatu | aldatu iturburu kodea]- ↑ (Gaztelaniaz) https://www.facebook.com/lavozdegalicia. (2023-08-04). «Muros-Esteirana, de eternos rivales a liderar la Liga B juntos» La Voz de Galicia (Noiz kontsultatua: 2023-08-11).
- ↑ (Gaztelaniaz) «Muros y Esteirana, vecinos y rivales que ahora se unen en el Club Remo URME» La Voz de Galicia 2024-01-12 (Noiz kontsultatua: 2024-07-08).
Kanpo estekak
[aldatu | aldatu iturburu kodea]- (Galizieraz) Liga Galega de Traiñeiras-en webguneko informazioa